ქართველი, უკრაინელი, რუსი, მოლდოველი, ბელორუსი, ლატვიელი, ესტონელი და ჰოლანდიელი ქრისიტან დემოკრატები დღეს თბილისში შეიკრიბნენ საერთაშორისო კონფერენციაზე, რომლის მთავარი თემაც სოციალური საბაზრო ეკონომიკაა, ეკონომიკური მოდელი, რომელიც ევროპელი ქრისტიან დემოკრატების საერთო ეკონომიკურ პლატფორმას წარმოადგეს. ღონისძიებას 10 ქვეყნის 20-ზე მეტი დელეგატი ესწრება.
"სოციალური საბაზრო ეკონომიკა არის ქრისტიან-დემოკრატიული არჩევანი, რომელიც ჩვენ ქვეყნებს დაეხმარება საყოველთაო კეთილდღეობის, მაღალი ხარისხის ჯანდაცვისა და განათლებისა და სოციალური დაცულობის მიღწევაში - განაცხადა პარტიის საერთაშორისო მდივანმა გიორგი რუხაძემ კონფერენციაზე სიტყვით გამოსვლისას.
დღესვე აღმოსავლეთ ევროპის ქრისტიან დემოკრატთა ასოციაციის მე-5 ყოველწლიური ყრილობა გაიმართება, სადაც ასოციაცია პრეზიდენტს აირჩევს. ორდღიანი ღონისძიება ხვალ დღის მეორე ნახევარში დასრულდება.
