საქართველოს პროკურატურა ვლადიმერ ბედუკაძის ოჯახის წევრებTან დაკავშირებით გავრცელებული ინფორმაციის შესახებ განცხადებას ავრცელებს.
საქართველოს პროკურატურის წარმომადგენლები სრული პასუხისმგებლობით აცხადებენ, რომ ვლადიმერ ბედუკაძის ოჯახის წევრებზე არცერთი სამართალდამცველი ორგანოს მიერ ზეწოლა არანაირი ფორმით არ ხორციელდება.
"დღეს მედიასაშუალებებში გავრცელდა ინფორმაცია, თითქოს მე-8 საპყრობილის მორიგე ინსპექტორის ვლადიმერ ბედუკაძის ოჯახის წევრებზე ხორციელდებოდა ზეწოლა. ბედუკაძის ოჯახის წევრები საკუთარ სახლში იმყოფებიან და მათ არანაირი საფრთხე არ ემუქრებათ", - ნათქვამია განცხადებაში.
მე-8 საპყრობილის მორიგე ინსპექტორმა ვლადიმერ ბედუკაძემ პატიმართა წამებისა და ღირსების შელახვის კადრები გაავრცელა. იგი სასჯელაღსრულების დეპარტამენტის თანამშრომელთა მიმართ საქართველოს პროკურატურაში მიმდინარე გამოძიების ფარგლებში იძებნება და დაუსწრებლად აქვს ბრალი წაყენებული.
