„ქრისტიან - დემოკრატიული მოძრაობის" ნაძალადევის მაჟორიტარობის კანდიდატი ჯაბა სამუშია ბეჟანიშვილის ქუჩაზე მცხოვრებ მოსახლეობას შეხვდა და ადგილზე გაეცნო მათ პრობლემებს.
ჯაბა სამუშიამ მოსახლეობას „ქრისტიან - დემოკრატიული მოძრაობის" წინასაარჩევნო პროგრამა გააცნო და პარტიის პრიორიტეტებზე ისაუბრა.
სამუშიას განცხადებით, კომუნალურ გადასახადებზე დაწესებული მაღალი ტარიფები, უმუშევრობა და ჯანდაცვის ხელმიუწვდომლობა წარმოადგენს მოსახლეობის ძირითად პრობლემას.
„დღეს ბეჟანიშვილის ქუჩის მცხოვრებლებს გავაცანი ის პროგრამა და პრიორიტეტები, რომელსაც ჩვენ „ქრისტიან - დემოკრატები" გამრჯვების შემთხვევაში განვარხორციელებთ. ჩვენი მთავარი მიზანია მშობლები იყვნენ დასაქმებულები, შვილებს ჰქონდეთ ხარისხიანი და ხელმისაწვდომი განათლება და პენსიონერები იყვნენ დაფასებულები. ამისთვის კი საჭიროა ქვეყანაში სამართლიანი ტარიფების დაწესება, რაც ნიშნავს თითოეული ოჯახის საყოფაცხოვრებო ბიუჯეტის შემცირებას და მცირე და საშუალო ბიზნესის განვითარების ხელშეწყობას." - განაცხადა ჯაბა სამუშიამ