საქართველოს პრეზიდენტი ჭიკაანის ღვინის ქარხანას ესტუმრა და ყურძნის ჩაბარების პროცესს დაესწრო. პრეზიდენტის ,,ფეისბუკის" გვერდზე გავრცელებული ინფორმაციით, მიხეილ სააკაშვილი მომსახურე პერსონალსაც გაესაუბრა და ინფორმაცია ყურძნის ჩაბარების პირობებისა და ფასის შესახებ, მან ადგილობრივებისგანაც მიიღო. პრეზიდენტის თქმით, მომავალ წლებში პირობები კიდევ უფრო გაუმჯობესდება.
გლეხებთან საუბრისას, ქვეყნის პირველმა პირმა აღნიშნა, რომ ქართული ღვინის მაღალი ხარისხი მომდევნო წლებშიც უნდა შენარჩუნდეს, ამასთან, აუცილებელია ქართული ღვინის პოპულარიზაცია და გასაყიდი ღვინის რაოდენობის ზრდა. როგორც პრეზიდენტმა განაცხადა, მხოლოდ ასე შევძლებთ სათანადო ადგილის დამკვიდრებას საერთაშორისო ბაზარზე.
