როგორც მოძრაობის ლიდერმა გიორგი თარგამაძემ განაცხადა,შიდა ქართლში მცხოვრებმა მოსახლეობამ ყველაზე კარგად იცის მშვიდობისა და სიცოცხლის ფასი. მისი თქმით ამ რეგიონში მოქალაქეებს ესაჭიროებათ ცვლილებები; ქვეყანაში უნდა დაინგრეს ერთპარტიული მმართველობა, რომელიც მთელი ამდენი წლის განმავლობაში მკვიდრდებოდა. როგორც შეხვედრაზე ითქვა ქრისტიან-დემოკრატიული მოძრაობა ერთადერთი პოლიტიკური ძალაა რომელმაც საკუთარ პროგრამაში არაერთ მნიშვნელოვან საკითხთან ერთად აქცენტი ქვეყნის ერთიანობაზე გააკეთა.
ქდმ-ს ლიდერის განცხადებით ადამიანები რომელნიც ქდმ-ს სახელით მაჟორიტარობის კანდიდატებად იყრიან კენჭს ცხოვრებისეული გამოცდილებით და ქრისტიან-დემოკრატიული იდეებისადმი ერთგულებით გამოირჩევიან. ისინი საკუთარი კუთხისა და ქვეყნის პატრიოტები არიან და ბევრ მათგანს იარაღით ხელშიც უბრძოლია ქვეყნის ერთიანობის დასაცავად.
„ნაციონალური მოძრაობის ერთპიროვნული და ერთპარტიული მმართველობა უნდა დამთავრდეს და ქრისტიან-დემორკატები ამ პროცესში გადამწყვეტ როლს შევასრულებთ. აქაურ მოსახლეობას უნდა დემორკატია და თავისუფლება მაგრამ არა ყველაფრის ფასად და ეს ფასი ქრისტიან-დემორკატებმა შიდა ქართლის მაცხოვრებლებთან ერთად ყველაზე კარგად ვიცით. ამის პარალელრუად აქ არის მოსახლეობა რომელსაც სწყურია - მისი შრომის ღირსეული დაფასება, რომ ჰქონდეს სამართლიანი ტარიფები ენერგომატარებლებზე, სასუქზე, საწვავზე, ჯადნაცვაზე, განათლებაზე; რომ უზრუნველჰყონ ოჯახის ღირსეული ყოფა. ეს ყველაზე რეალური პროგრამაა და ის სწორედ ქრისტიან-დემოკრატებს აქვთ" - განაცხადა გიორგი თარგამაძემ.