უნგრეთმა აზერბაიჯანს რამილ საფაროვის შეწყალების გამო პროტესტი გამოუცხადა. უნგრეთის საგარეო საქმეთა მინისტრის მოადგილემ აზერბაიჯანსის ელჩს უნგრეთში განუცხადა, რომ ბუდაპეშტი "მიუღებლად მიიჩნევს და გმობს რამილ საფაროვის გათავისუფლებას".
უნგრეთმა აზერბაიჯანს საფაროვი, რომელმაც ნაჯახით მოკლა სიმეხი ოფიცერი, ორ ქვეყანას შორის ხელმოწერილი კონვენციის ფარგლებში გადასცა, რომლის მიხედვითაც დამნაშავეებს სასჯელის მოხდა საკუთარ სამშობლოში შეუძლიათ.
ამის მიუხედავად საფაროვი აზერბაიჯანის პრეზიდენტმა ილჰამ ალიევმა სამშობლოში ექსტარდირებისთანავე შეიწყალა.
აღნიშნულის გამო სომხეთმა უნგრეთთან დიპლომატიური ურთიერთობა გაწყვიტა.
"მე ოფიციალურად ვაცხადებ, რომ დღეიდან ჩვენ ვწყვეტთ ყველა სახის დიპლომატიურ ურთიერთობას და ყველა ოფიციალურ კავშირს უნგრეთტან", - ამის შესახებ სომხეთის პრეზიდენტმა სერჟ სარგსიანმა ქვეყანაში აკრედიტირებულ გაეროს წევრი ქვეყნების ელჩებთან განაცხადა.
სომხეთის პრეზიდენტის განცხადების მიზეზი 2004 წელს მომხდარი ფაქტი გახდა, რომელსაც გაგრძელება მოჰყვა.
2004 წლის თებერვალში სომხეთის შეიარაღებული ძალების ლეიტენანტი გურგენ მარგარიანი, რომელიც ნატო-ს „პარტნიორობა მშვიდობისათვის" პროგრამის ფარგლებში, უნგრეთის დედაქალაქ ბუდაპეშტში ინგლისური ენის კურსებზე იყო მივლინებული ნაჯახით მოკლა აზერბაიჯანის არმიის ოფიცერმა რამილ საფაროვმა. საფაროვი იმავე კურსს გადიოდა.
2006 წლის 13 აპრილს ბუდაპეშტის პირველი ინსტანციის სასამართლომ საფაროვს სამუდამო პატიმრობა მიუსაჯა 30 წლის განმავლობაში შეწყალების მოთხოვნის უფლების გარეშე.
2007 წლის თებერვალში სააპელაციო სასამართლომ განაჩენი უცვლელი დატოვა.
თუმცა, დღეს, 31 აგვისტოს, რამინ საფაროვი აზერბაიჯანში იქნა ექსტრადირებული და ის აზერბაიჯანის პრეზიდენტმა ილჰამ ალიევმა შეიწყალა.
„სომეხი ხალხი ამას არასოდეს გაპატიებთ", - განაცხადა სერჟ სარგსიანმა.
სომხეთის დედაქალაქ ერევანში საგარეო საქმეთა სამინისტროს წინ გამართული აქციის დროს უნგრეთის სახელმწიფო დროშა დაწვეს.
აქციის მონაწილეები მიესალმენენ ქვეყნის პრეზიდენტის სერჟ სარგსიანის გადაწყვეტილებას უნგრეთთან დიპლომატიური კავშირის გაწყვეტის შესახებ.
აქციაზე გაჟღერდა რამდენიმე მოთხოვნაც. კერძოდ დიპლომატიური ურთიერთობა უნგრეთთან გაწყდეს ხანგრძლოვი დროით, ვიდრე უნგრეთის ხელისუფლება არ მოიხდის ბოდიშს მის მიერ განხორციელებული ქმედების გამო. ამავე დროს მოთხოვნაში აღინიშნა, ნატოსთან ურთიერთობის შეწყვეტის, იმ სამხედრო სწავლებებში მონაწილეობაზე უარის თქმის შესახებ, რომელშიც მონაწილეობას მიიღებს აზერბაიჯანი და ნებისმიერი სხვა ქვეყანა რომელიც მასთან მოკავშირეობს.