დღეს, 13 აგვისტოს, ფიდელ კასტროს 86 წელი შეუსრულდა. ფიდელ ალეხანდრო კასტრო რუსი 1926 წლის 13 აგვისტოს ბირანში (კუბა) დაიბადა.
კასტრო არის კუბის რევოლუციის ლიდერი, მთავრობის მეთაური 1959 წლიდან და პრეზიდენტი 1976 წლიდან. ბოლო წლებში, ავადმყოფობის გამო, 2006 წლის 31 ივლისს მან "პოლიტიკურ მემკვიდრედ" უმცროსი ძმა, რაულ კასტრო დაასახელა. 2008 წლის 24 თებერვალს ნაციონალურმა ასამბლეამ რაულ კასტრო კუბის პრეზიდენტად აირჩია. 2011 წლის გაზაფხულზე ფიდელ კასტრომ განაცხადა კუბის კომპარტიის ცენტრალური კომიტეტის პირველი მდივნის თანამდებობის დატოვების გადაწყვეტილების შესახებ. ახალ მდივნად რაულ კასტრო აირჩიეს.
