კახა კალაძე სასამართლოს გადაწყვეტილებას უკანონოდ მიიჩნევს და ჯარიმის სახით დაკისრებული 16 944 900 ლარის გადახდას არ აპირებს . როგორც კალაძემ ტელეკომპანია "მაესტროსთვის" მიცემულ ინტერვიუში განაცხადა, თანხის დიდი ნაწილი, რომლებიც ბოლო თვეების განმავლობაში მისი ანგარიშიდან მოიხსნა, მამამისს, კარლო კალაძეს გამოქონდა, ოჯახურ საქმეებს ხმარდებოდა და პოლიტიკასთან კავშირი არ ქონია.
საუბარია დაახლოებით 7 მილიონ ლარზე, საიდანაც, როგორც კალაძე ამბობს, ანგარიშიდან უშუალოდ თვითონ 300 000 ლარამდე მოხსნა.
"არ ვაპირებ ჯარიმის გადახდას და არც გასაჩივრების შედეგის იმედი მაქვს, უბრალოდ დარწმუნებული ვარ, რომ ძალიან მცირე დროში კრიმინალისთვის ყველა სათანადოდ აგებს პასუხს", - აცხადებს კალაძე და აღნიშნავს, რომ ეს ყველაფერი უკანონობაა და ერთი ადამიანის დაგეგმილი კრიმინალური ქმედებაა.
შგახსენებთ, რომ დღეს თბილისის საქალაქო სასამართლომ კახა კალაძე ადმინისტრაციულ სამართალდამრღვევად სცნო და 16 მლნ 944 ათას 900 ლარის ჯარიმა დააკისრა და მისი ქონება დააყადაღა. საუბარია კომპანიებზე "მაქს ბეტი", "კალა კაპიტალი", ასევე, საცხოვრებელ სახლებსა და ავტომობილებზე. გარდა ამისა, სასამართლომ ძალაში დატოვა საქართველოში კალაძის საბანკო ანგარიშების დაყადაღების გადაწყვეტილება.
