„ქართული ოცნების" ჩუღურეთის რაიონის მაჟორიტარობის კანდიდატი ვიქტორ დოლიძე კუკიაზე აშხინის ქუჩის მცხოვრებლებს შეხვდა.
მოსახლეობამ დეპუტატობის კანდიდატთან ძირითადად უმუშევრობაზე, უსამართლობასა და განუკითხაობაზე გაამახვილა ყურადღება. კუკიელებმა ვიქტორ დოლიძეს უბანში მდებარე მესამე სკოლის დახურვის შესახებ აცნობეს . მიუხედავად წყლის ცუდი გრაფიკისა , მოსახლეობამ აქვე ვიქტორ დოლიძეს ჩუღურეთის რაიონში წყლის ხარისხის გაუმჯობესებისთვის მადლობა გადაუხადა და საპარლამენტო არჩევნებში ღია მხარდაჭერა გამოუცხადა.
მაჟორიტარობის კანდიდატმა კუკიელებს საყოველთაო დაზღვევის, უმუშევრობის დაძლევის , განათლების პროგრამები გააცნო და პირველ ოქტომბერს არჩევნებზე აქტიურობისაკენ მოუწოდა.
