ლატვიაში მეორე მსოფლიო ომის მონაწილეთა საფლავები შეურაცხყვეს. მათ მემორიალს სიტყვა "ოკუპანტები" დააწერეს. ეს ფაქტი ერთ ერთ ლატვიურ დასახლება - სპირგუსში მოხდა. ინფორმაცია ამის შესახებ ლატვიის რუსული საზოგადოების წევრმა ალექსანდრე რჟავინმა გაავრცელა.
"მემორიალის უკანა მხარეს წითელი საღებავით წერია სიტყვა "ოკუპანტები", სასაფლაოს შესასვლელში სად არის წარწერა "ძმათა სასაფლაო" სიტყვა "ძმათა" ასევე წითელი საღებავითაა გადაშლილი", _ განაცხადა რჟავინმა. მისი ორგანიზაცია ამ ინფორმაციას ლატვიაში მდებარე რუსეთის საელჩოს გადასცემს ასებე მიაწოდენბს იმ სამხარეო დუმას, რომლის გამგეობაშიც ეს რაიონი შედის.
ამ ძმათა სასაფლაოზე დაკრძალულია 907 საბჭოთა ჯარისკაცი, რომლებიც 1944-45 წლებში დაიღუპნენ მეორე მსოფლიო ომის დროს. მათი სახელები და გვარები კი 98 ფილაზეა დატანილი.
აღსანიშნავია, რომ საბჭოთა ჯარისკაცების საფლავების შეურაცხყოფის შემთხვევები ბოლო დროს ასევე მოლდოვაში გახშირდა.