ლონდონის ოლიმპიურ თამაშებზე ძიუდოისტებს შორის დღეს ბოლო ოქროს მედალი გათამაშდება. საქართველოს სახელით მძიმე წონაში ადამ ოქრუაშვილი იასპარეზებს. ორთაბრძოლები ექსელის საგამოფენო ცენტრში თბილისის დროით 12 საათსა და 30 წუთზე დაიწყება.
ქართველი ძიუდოისტის მეტოქე პირველ ეტაპზე გერმანელი ანდრეას ტოლცერი იქნება. დღესვე ლონდონის ოლიმპიურ თამაშებში ჩაებმებიან ძალოსანი რაულ ცირეკიძე და მძლეოსანი ბოლესლავ სხირტლაძე.
