31 ივლისს, 12:00 საათზე, სასტუმრო "თბილისი მარიოტში" (თამარ მეფის დარბაზი) გაიმართება ახალი ანგარიშის პრეზენტაცია, რომელიც ბოლო დროს საბანკო და საგადასახადო სფეროში განხორციელებული საკანონმდებლო ცვლილებების ანალიზს მოიცავს.
ანგარიშში მიმოხილულია 2011 წლის ბოლოს და 2012 წლის პირველ ნახევარში საქართველოს საბანკო, საგადასახადო და მათთან დაკავშირებულ კანონმდებლობაში შეტანილი ის ცვლილებები, რომლებიც გავლენას ახდენს საქართველოს საბანკო-საფინანსო სექტორის ფუნქციონირებაზე და საბანკო ინსტიტუტების საქმიანობაზე. ანალიზი განახორციელა ანალიტიკური ცენტრის "ეკონომეტრის" წარმომადგენელმა რევაზ საყევარიშვილმა, ფონდ "ღია საზოგადოება - საქართველოს" მხარდაჭერით.
პრეზენტაციის შემდეგ გაიმართება დისკუსია.
ღონისძიებაზე მოწვეულნი არიან საბანკო, საფინანსო და სადაზღვევო ინსტიტუტების, საერთაშორისო ორგანიზაციებისა და პოლიტიკური პარტიების წარმომადგენლები.
