დასაქმების სახელმწიფო მინისტრი პაატა ტრაპაიძე დასავლეთ საქართველოს ეწვევა. მინისტრი ადგილობრივ მოსახლეობას შეხვდება და დასაქმების პრობლემების შესახებ, ინფორმაციას მოსახლეობისგან მიიღებს.
,,გავდივართ რეგიონებში კერძოდ, დასავლეთ საქართველოში. ჩვენ უშუალოდ გვინდა გავეცნოთ იმ პრობლემებს, რომლებიც უმუშევრობასთანაა დაკავშირებული და გვექნება ხალხთან შეხვედრა", _ განაცხადა ჟურნალისტებთან დასაქმების მინისტრმა პაატა ტრაპაიძემ.
შეგახსენებთ, რომ სახელმწიფომ უმუშევართა რეგისტრაცია დაიწყო.
უმუშევართა რეგისტრაციის შემდეგ, ერთიანი ელექტრონული ბაზა შეიქმნება და ყველა დაუსაქმებელ ადამიანს საკუთარი ელექტრონული მისამართი ექნება და სასურველი ვაკანსიის შემთხვევაში შეტყობინება მიუვა.
