უმუშევართა რეგისტრაციის პროცესს საქართველოს პრემიერ-მინისტრი ივანე მერაბიშვილი დღეს სუხიშვილების ოჯახში დაესწრო. პრემიერმა ვაზისუბანში მცხოვრები სუხიშვილების ოჯახში უმუშევართა ანკეტების შევსებაში მონაწილეობა თავადვე მიიღო.
მისი თქმით, სპეციალური ანკეტების შევსება უმუშევართა რაოდენობის აღრიცხვას პროფესიის, ასაკისა და ადგილმდებარეობის მიხედვით განსაზღვრას გულისხმობს.
"ჩვენ ჩვენი რესურესების დახარჯვა ისე უნდა მოვახდინოთ, რომ ყველაზე ძალიან ვისაც უჭირს სამსახურის შოვნა, პირველ რიგში მათ უნდა დავეხმაროთ", _ განაცხადა პრემიერმა სუხიშვილებთან სტუმრობისას და აღნიშნა, რომ უახლოეს მომავალში შეიქმნება სპეციალური პროგრამა, სადაც ვაკანსიების შესახებ ინფორმაცია განთავსდება.
