ბულგარეთში, ბურგასის აეროპორტში მომხდარი ავტობუსის აფეთქება ორგანიზებული ჯგუფის ჩადენილია. ამის შესახებ ვაშინგტონში ვიზიტით მყოფმა ბულგარეთის პრემიერმა ბოიკო ბორისოვმა განაცხადა.
მისი თქმით, ჯგუფის წევრები ბულგარეთში ტერაქტამდე ერთი თვით ადრე ჩავიდნენ. ისინი გადაადგილდებოდნენ იჯარით აყვანილი ავტომაქანებით.
"ამ ხნის განმავლობაში ერთი და იგივე პირი საჯარო ადგილას ზედიზედ ორჯერ არ გამოჩენილა. ისინი მაქსიმალურად იცავდნენ კონსპირაციას", - განაცხადა ბორისოვმა.
კონკრეტულად, რამდენი ადამიანი ეხმარებოდა თვითმკვლელს ტერორისტული აქტის მომზადებაში, პრემიერს არ დაუკონკრეტებია.
