„სტუდია „მონიტორი" გაქურდეს. წაიღეს ყველაფერი რაც გვებადა: კამერები, სამონტაჟოები, გადაღებული მასალები და სამუშაო ლეპტოპები. დავრჩით ცარიელ ოფისში", - ამ ინფორმაციას სოციალურ ქსელ „ფეისბუქში" სტუდიის ხელმძღვანელი, ჟურნალისტი ნინო ზურიაშვილი ავრცელებს.
სტუდია „მონიტორს" ოფისი ნუცუბიძის ქუჩაზე ჰქონდა, საიდანაც ისინი ცოტა ხნის წინ შევჩენკოს ქუჩაზე გადავიდნენ.
სტუდია „მონიტორი" წლების განმავლობაში საგამოძიებო ფილმებს ამზადებს დონორი ორგანიზაციების ფინანსური მხარდაჭერით. ფილმები ტელეკომპანია „მაესტროს" ეთერში გადის.