კრასნოდარის მხარეში ძლიერი წვიმებისა და სტიქიის შედეგად დაღუპულთა რაოდენობა 78 ადამიანამდე გაიზარდა. მათ შორის ერთი 10 წლის ბავშვია. კრასნოდარის ყირიმის რაიონში დაღუპულია 67 ადამიანი, გელენჯიკში -9 ხოლო ნოვოროსიისკში 2. ინფორმაციას ამის შესახებ კრასნოდარის მხარის რისეთის შს სამინისტროს სამმართველო ავრცელებს.
დაღუპულთა ვინაობასა და დაღუპვის გარემოებებს ამჟამად არკვევენ. დაღუპულთაგან მრავალი დატბორვის შემდეგ დენის დარტყმის შედეგად გარდაიცვალა.
აღსანიშნავია, რომ ძლიერი და გადაუღებელი წვიმების შედეგად კრასნოდარის მხარის რამდენიმე რაიონში 320 სახლი დაიტბორა. სულ დაზარალებულია 1, 29 ათასი ადამიანი. ძლიერმა წვიმებმა გარდა სახლებისა და ეზოებისა, მიწის ნაკვეთებიც დატბორა.
ადგილზე მობილიზებულია რუსეთის საგანგებო სიტუაციათა სამინისტროს ყველა წარმომადგენელი.
