ბერლინში მცხოვრებმა ალისა ცაპემ და იულია ლაგერმა შექმნეს ქოლგა, რომელიც წვიმაში მრერის. "მუსიკალური" ქოლგის შიდა ზედაპირს მიმაგრებული აქვს 12 პიეზო - ელექტრონული სენსორი, რომელიც წვიმის წვეთის მიერ გამოწვეულ გარე ზეწოლაზე რეაგირებს.
თითოეული სენსორის ჟღერს სხვანაირად და მის მიერ გამოცემული ხმის ჟღერადობა დამოკიდებულია ძალის ზემოქმედებაზე. ამდენად, ქოლგა წვიმის დროს ქმნის უნიკალურ მელოდიას.
როგორც ცაპე და ლაგერმა ჟურნალისტებს განუცხადა, მათ ქოლგა ამსტერდამის კონკურსისთვის ერთ დღეში ააწყვეს. ამ მოდელის პროტოტიპისთვის მათ სენსორი უბრალოდ საიზოლაციო ლენტით დაამაგრეს.
"თავდაპირველი ჩანაფიქრით გვინდოდა ყოველღიურობაში გამოყენებული სხვადასხვა საგანი შეგვეკრა მუსიკის დახმარებით. თავიდან გვინდოდა დაგვეწერა პროგრამა, რომელიც რეკომენდაციას გაუწევდა კერძს, რომელიც დაეფუძნებოდა მომხმარებლის მუსიკალურ გემოვნებას, მაგრამ ეს ძალიან რთული აღმოჩნდა, ამიტომაც მოვიფიქრეთ ქოლგა", - განაცხადა ცაპემ.
ყველაზე რთული ქოლგის შექმნისას სენსორების მგრძნობელობის რეგულაცია აღმოჩნდა, ძალიან ძლიერი მგრძნობელობის დროს ქოლგა "საკმაოდ უსიამოვნო" ხმებს გამოცემს. ძალიან დაბალი მგრძნობელობისას ქოლგის "სიმღერა " "ერთფეროვანი" ხდება, აღნიშნავენ მისი შემქმნელები. ახლა ცაპე და ლაგერი კმაყოფილები არიან საბოლოო შედეგით, თუმცა აღიარებენ, რომ "გარკვეული დროის შემდეგ ქოლგის "სიმღერა" ნერვების მოშლას იწყებს".
