2012 წლის პირველ ნახევარში აზერბაიჯანის სახელმწიფო ნავთობკომპანიამ ბაქო-სუფსის მილსადენით 1,296 მლნ ტონა ნავთობის ექსპორტი განახორციელა.
გასული წლის ანალოგიურ პერიოდთან შედარებით ნავთობის ექსპორტი ბაქო-სუფსის მილსადენით 124 ათასი ტონით შემცირდა.
იანვრაში ნავთობის ექსპორტმა აღნიშნული მარშრუტით შეადგინა 315,253 ათასი ტონა, თებერვალში - 161,49 ათასი ტონა, მარტში - 411,849 ათასი ტონა, აპრილში - 161,449 ათასი ტონა, მაისში - 165,629 ათასი ტონა, ივნისში - 80,788 ათასი ტონა.
აღსანიშნავია, რომ 2011 წელს Socar-მა ბაქო-სუფსის მილსადენით განახორციელა 2,652 მლნ ტონა აზერბაიჯანული ნავთობის ექსპორტი.
ბაქო-სუფსის მილსადენი განკუთვნილია "ჩირაგის" საბადოდან ნავთობის ტრანსპორტირებისათვის შეთანხმების საფუძველზე, რომელიც ხელმოწერილია 1994 წლის 20 სექტემბერს SOCAR-სა და უცხოური კომპანიის ჯგუფს (სათავეში ВР) შორის.
ბაქო-სუფსის მილსადენის სიგრძეა 830 კმ და მისი გამტარუნარიანობა არის დაახლოებით 7 მლნ ტონა ნავთობი წელიწადში (140 ათასი ბარელი დღეში).