საცალო ქსელში L-62 ტიპის დიზელის საწვავის ფასის მორიგი შემცირება მოხდა. ნავთობპროდუქტების იმპორტიორთა კავშირის ინფორმაციით, საქართველოს საცალო ქსელში საწვავის ფასის შემცირება გრძელდება საერთაშორისო ფასების კლების ტენდენციიდან გამომდინარე. კერძოდ, ამ დღეებში მოხდა დიზელის საწვავის (L-62) ფასის შემცირება 5 თეთრით/ლიტრაზე.
"აღნიშნული კატეგორიის საწვავი მთლიანობაში ბოლო 2 თვის განმავლობაში შემცირებულია 20 თეთრით/ლიტრზე. აქვე უნდა ითქვას, რომ ის დაუბრუნდა გასული წლის დეკემბრის თვეში არსებულ ფასს.
აქვე უნდა აღინიშნოს, რომ L-62 დიზელის საწვავის მსხვილი მომხმარებლები არიან სასოფლო-სამეურნეო, ინფრასტრუქტურის მშენებლობაზე დასაქმებული ტექნიკა, სხვადასხვა გადამზიდი სატრანსპორტო საშუალებები და ზოგადად მსუბუქი ავტოსატრანსპორტო საშუალებები. შესაბამისად, ფასების კლება მნიშვნელოვანი შეღავათია ამ სფეროში დასაქმებული ადამიანებისათვის"- აცხადებენ კავშირში.