პარლამენტში ახალი სამთავრობო პროგრამა შევიდა. მისი სახელწოდებაა "უფრო მეტი სარგებელი ხალხს" და შვიდი პუნქტისაგან შედგება.
როგორც მთავრობის საპარლამენტო მდივანმა, გია ხუროშვილმა ჟურნალისტებტან განაცხადა, სამთავრობო პროგრამა საკმაოდ ამბიციური, მაგრამ შესრულებადია.
,,ჩვენი ამოცანაა, საქართველოს სდაკმაოდ მარალი რეიტინგები პირდაპირ პროპორციულად აისახოს ჩვენი მოსახლეობის კეთილდღეობაზე და ადამიანებმა ის წინსვლა, რაც ქვეყანას აქვს, საკუთარ ოჯახებში იგრძნონ. ახალი პროგრამით, რომლის სახელწოდებაა "უფრო მეტი სარგებელი ხალხს", მთავრობა საკმაოდ ამბიციურ განაცხადას აკეთებს, თუმცა ეს ყველაფერი შესრულებადია", - აღნიშნა ხუროშვილმა.
მისი ინფორმაციით, რამდენიმე წუთში პარლამენტს უკვე მინისტრთა ახალი კაბინეტის შემადგენლობა წარედგინება, რომელსაც საკანონმდებლო ორგანოში პრეზიდენტის საპარლამენტო მდივანი ირაკლი გორდულაძე შემოიტანს.
ბიუროს დღევანდელ რიგგარეშე სხდომაზე განისაზღვრება ფრაქციებსა და კომიტეტებში პრემიერ-მინისტრობისა და მინისტრობის კანდიდატების შეხვედრების გრაფიკი. ამავდროულად ბიურო დაადგენს, როდის დაინიშნება პლენარული სხდომა, რომელზეც საკანონმდებლო ორგანო მინისტრთა ახალი კაბინეტის შემადგენლობას და ახალ სამთავრობო პროგრამას ნდობას გამოუცხადებს.
საქართველოს პრემიერ-მინისტრობისა და მინისტრობის კანდიდატები რამდენიმე დარგობრივ კომიტეტსა და ფრაქციაში შეხვედრებს დღეს დღის განმავლობაში გამართავენ.
