კოალიცია "ქართული ოცნების" ლიდერის, ბიძინა ივანიშვილის განცხადებით, ხელისუფლება მუდმივად ამადლის დახმარებას სოციალურად დაუცველებს და ემუქრება, რომ ამ დახმარებას მოუხსნის. ამის შესახებ ივანიშვილმა ჟურნალისტის კითხვაზე განაცხადა.
შეკითხვაზე - "ვრცელდება ინფორმაცია, რომ "ნაციონალური მოძრაობა" თანხებს არიგებს და სოციალურად დაუცველებს ეუბნება, რომ მოუხსნის დახმარებას, თუ ისინი წავლენ აქციაზე. თუ ხართ საქმის კურსში?" - ივანიშვილმა განაცხდა:
"ნამდვილად არ ვიცი, პირველად მესმის, მაგრამ მაგაზე წასვლა რომ შეუძლიათ, ეს ნორმალურია. ამით აშინებენ ხალხს, იმ საცოდავი დახმარებით, რომელიც დაუნიშნეს და ეკუთვნის ამ ხალხს. ამადლიან მუდმივად, მუდმივად ემუქრებიან, რომ მოუხსნიან. მაგრამ მე პირადად არ მაქვს ფაქტები, არ ვიცი, არ შევხვედრივად ჩვენს ჯგუფს, რომელიც იქ წასულია".
