ხვალ, 30 ივნისს, 10:00 საათზე, საქართველოს ტექნიკური უნივერსიტეტის ადმინისტრაციის ფინანსური მხარდაჭერით და სტუ-ის სტუდენტური თვითმმართველობის ორგანიზებით, საქართველოს ტექნიკური უნივერსიტეტის სტუდენტებისაგან დაკომპლექტებული 5 რაზმი (სტუ-ის 50-ზე მეტი სტუდენტი), საქართველოს სხვადასხვა ეპარქიაში მონასტრების აღდგენით სამუშაოებზე გაემგზავრება.
სტუდენტები 10 დღის განმავლობაში იმუშავებენ ლასურიაშის, ცაგერის, აბასთუმანის, თეთრიწყაროს და მანგლისის მონასტრებში.
აღნიშნული ღონისძიება ტრადიციული ხასიათისაა და მსგავსი პროექტების განხორციელება მომავალშიც იგეგმება.
