სახელმწიფო "მასთ ქერის" ვადის ამოწურვის შემდეგ, საკაბელო კომპანიებისა და სატელევიზიო არხების თანამშრომლობას წაახალისებს. ამის შესახებ განცხადება პარლამენტის თავმჯდომარემ დავით ბაქრაძემ კანონპროექტის მესამე მოსმენით კენჭისყრამდე გააკეთა.
მისი განმარტებით, თუ საკაბელო კომპანიები და სატელევიზიო არხები მოახერხებენ შეთანხმებას, რომ თანამშრომლობა გააგრძელონ არჩევნების დასრულების შემდეგაც, როცა დაკისრებული ვალდებულება დასრულდება, სახელმწიფო მათ წაახალისებს.
"არჩევნების წინა დღეს სრულდება მხოლოდ სახელმწიფოს ჩარევა კერძო ბიზნესის საქმიანობაში, რაც მოსახლეობისთვის ინფორმაციის წყაროების შეწყვეტას არ ნიშნავს", - განაცხადა ბაქრაძემ.
მისი შეფასებით, "მასთ ქერის" პრინციპის შემოღების საკითხი პარტიების, არასამთავრობო სექტორისა და სამოქალაქო საზოგადოების ერთობლივი მუშაობის კარგი მაგალითია, რაც საარჩევნო გარემოს კიდევ უფრო უკეთესს გახდის.
"ესაა პოზიტიური ინიციატივა, რაზედაც მეტყეველს ის შეფასებები, რომელიც საერთაშორისო საზოგადოებისა და არასამთავრობო სექტორის მხრიდან არსებობს. მინდა მალდობა გადავუხადო მათ თანამშრომლობისთვის და მოხარული ვარ, რომ შევძელით შეჯერება ყველა ძირითად საკითხზე", - დასძიუნა პარლამენტის თავმჯდომარემ.
პარლამენტმა "საარჩევნო კოდექსში" შესატანი აღნიშნული ცვლილებები მესამე მოსმენით, 103 ხმით, ერთხმად დაამტკიცა.