დღეს, 25 ივნისს ბათუმში ურბანული ტრანსპორტის თემაზე საერთაშორისო კონფერენცია გაიმართება.
პროგრამის მიხედვით, კონფერენციაზე, საზოგადოებრივი ტრანსპორტის სფეროში განხორციელებული პროექტების პრეზენტაციას "ბათუმის ავტოტრანსპორტის" ადმინისტრაციის წარმომადგენლები მოაწყობენ. ბათუმის პროექტი ყველაზე წარმატებულად არის შეფასებული იმ პროექტებს შორის, რომლებიც ევრობანკმა აზიასა და ევროპაში დააფინანსა.
ურბანული ტრანსპორტის თემაზე საერთაშორისო კონფერენცია სასტუმრო "ბათუმის შერატონში" 09.00 საათზე დაიწყება, რომელსაც ბათუმის მერი რობერტ ჩხაიძე გახსნის.
