სოფლის მეურნეობის მინისტრი ზაზა გოროზია ორხევში შპს „მექანიზატორის" ბაზას ესტუმრა და ახლად შემოყვანილი სასოფლო-სამეურნეო ტექნიკის (კომბაინების) აწყობის პროცესს ადგილზე დაესწრო.
სასოფლო-სამეურნეო ტექნიკის განახლების პროგრამის ფარგლებში შემოყვანილი "New Holland"-ის ფირმის 12 ერთეული კომბაინი სიმინდის, მზესუმზირის და ხორბლის მოსავლის ასაღებად გამოიყენება. თანამედროვე, უნივერსალურის გამოყენების (207 ცხენის ძალა) კომბაინის დახმარებით ფერმერს შეუძლია მოსავალი უმოკლეს ვადაში მინიმალური დანაკარგით აიღოს.
სოფლის მეურნეობის სამინიტროს მხარდაჭერით, სხვადასხვა დანიშნულების თანამედროვე სასოფლო-სამეურნეო ტექნიკის შემოყვანა ეტაპობრივად მიმდინარეობს და ფერმერთა მომსახურების ცენტრებში ნაწილდება.
