სააპელაციო სასამართლომ ბიძინა ივანიშვილის სარჩელი ნაწილობრივ დააკმაყოფილა. ბიძინა ივანიშვილმა ადმინისტრაციულ სამართალდარღვევათა ოქმები გაასაჩივრა.
მოსახლეობისთვის სატელიტური ანტენების დარიგების გამო დაკისრებული 126 000 000 ლარიანი ჯარიმის თანხა, სააპელაციო სასამართლოს გადაწყვეტილებით, 63 110 095 ლარამდე შემცირდა.
ასევე, სააპელაციო სასამართლოს მოსამართლეებმა ბიძინა ივანიშვილს საქმის განხილვის დროს ჩატარებული ექსპერტიზის ხარჯებიც დააკისრეს, რომელიც 2 000 ლარს შეადგენს.
რაც შეეხება 239 ავტომობილის შეღავათიან ფასებში "ქართული ოცნებისთვის" მიქირავების ბრალდების საფუძველზე დაკისრებულ 22 000 000 ლარს, სააპელაციო სასამართლომ თბილისის საქალაქო სასამართლოს ეს გადაწყვეტილება ნაწილობრივ გააუქმა და ბიძინა ივანიშვილს კონტროლის პალატის ოქმის საფუძველზე ჯარიმის თანხად 11 214 970 ლარი და 65 თეთრი დააკისრა.
