"ბოლო წლების განმავლობაში მე პერიოდულად ვიღებდი ინფორმაციას ჩეჩნეთში პოზიტიური ცვლილებების შესახებ. მე ვიცოდი, რომ აქ მშვიდობიანი ცხოვრებაა დამყარებული. შენდება სკოლები და საავადმყოფოები, ლამაზი მეჩეთები, სპორტული მოედნები და სტადიონები. არავინ არ ზღუდავს ადამიანებს თავიანთი კონსტიტუციური უფლებების განხორციელებაში. და მე მივხვდი, რომ მე კატეგორიულად არასწორი ვიყავი. ჩემი გამონათქვამები განსხვავდება საქმის რელურად არსებულ მდგომარეობასთან", _ განაცხადა ალდამოვმა.
ამასთან ერთად, რუსული მედიის ინფორმაციით, მან სინანული გამოხატა იმასთან დაკავშირებით, რომ პერიოდულად საქართველოს ტელეარხებითა და რადიოს მეშვეობით ჩეჩნეთის ხელისუფლების მიმართ კრიტიკულ განცხადებებს აკეთებდა.
"ჩემთვის ძალიან მტკივნეულია იმის გახსენება, რომ მე ეს წლები ასე ფუჭად დავკარგე, რადგან დუდაევმა, მასხადოვმა, ბასაევმა და მათმა თამებრძოლებმა, რომლებსაც მე ვენდობოდი და ვემსახურებოდი საკუთარ ხალხს იოტისოდება სარგებლობაც ვერ მიუტანეს. ისინი მხოლოდ უბედურებას თესავდნენ. მე ძალიან ვნანობ. და გულწრფელ ბოდიშს გიხდით თქვენ რამზან ახმატოვიჩ და მთელს ჩეჩენ ერს", _ განაცხადა ალდამოვმა.
ამას გარდა, თავის მომავალ გეგმებზე საუბრისას ალდამოვმა განაცხადა, რომ იგი საქართველოში დაბრუნებას არ აპირებს, მანამ ვიდრე საქართველოს ხელისუფლების სათავეში მიხეილ სააკაშვილია.
"თქვენ მუშაობდით დუდაევის დროსაც და მასხადოვის დროსაც. მე მოხარული ვარ, რომ თქვენ გააცნობიერეთ შეცდომები და სწორ გზაზე დადექით", _ განუცხადა კადიროვმა ალდამოვს.