სასაზღვრო პოლიციას 3 დღიანი ვიზიტით მოლდოვის რესპუბლიკის შინაგან საქმეთა სამინისტროს სასაზღვრო პოლიციის წარმომადგენლები სტუმრობენ.
დელეგაცია საქართველოს სასაზღვრო პოლიციის წარმომადგენლებმა მიიღეს. ვიზიტი საზღვრის დაცვის რეგიონული სამმართველოების გაცნობის, სასაზღვრო კონტროლის ორგანიზაციის, სახელმწიფო საზღვრის დამრღვევთა დაკავების, საზღვრის თვალთვალის დაგეგმვის კოორდინაციისა და ორგანიზაციის მეთოდის, ერთობლივი სასაზღვრო ოპერაციების ჩატარების, საზღვარზე სწრაფი რეაგირების, ინტერვენციის ჯგუფის საქმიანობის სფეროებში გამოცდილების გაზიარებისა და ასევე სასაზღვრო გამტარი პუნქტების მუშაობის ფორმებისა და მეთოდების გაცნობას ისახავს მიზნად.
ვიზიტის ფარგლებში ორი ქვეყნის სასაზღვრო უწყების პრეზენტაცია გაიმართა.
მოლდოველი კოლეგები გამართავენ შეხვედრებს საპატრულო პოლიციის დეპარტამენტის წარმომადგენლებთან.
სტუმრები სასაზღვრო პოლიციის N2 სამმართველოს (ახალციხე) და შსს საპატრულო პოლიციის სასაზღვრო-სამიგრაციო კონტროლის განყოფილებას ,,ვალე" ეწვევიან და იქ არსებულ მდგომარეობას გაეცნობიან.
მოლდოველი მესაზღვრეები საქართველოს 15 ივნისს დატოვებენ.
