"ავერსის კლინიკის" გორის ფილიალში გაიხსნა თავის ტკივილის ცენტრი, რომელიც შრომის, ჯანმრთელობისა და სოციალური დაცვის მინისტრმა ზურაბ ჭიაბერაშვილმა და ავერსის კლინიკის გენერალურმა დირექტორმა დიმიტრი ჯორბენაძემ გახსნეს.
იანვრში "ავერსის კლინიკაში" ამოქმედდა თავის ტკივილის დიაგნოსტიკის და მკურნალობის პროგრამა, რომელსაც საქართველოში ახორციელებენ ორგანიზაციები: "გლობალური კამპანია თავის ტკივილის წინააღმდეგ" (Global Campaign to Lift Burden of Headache Worldwide), თავის ტკივილის საერთაშორისო ასოციაცია (Interacianational Headache Society) და თავის ტკივილის ევროპის საზოგადოება (European Headache Federation).
პროგრამის მთავარი მიზანია, გაუწიოს სამედიცინო დახმარება საქართველოს მოსახლეობის იმ ნაწილს, რომელსაც აწუხებს თავის ტკივილი. სამედიცინო მომსახურება და საჭირო მედიკამენტები პირველი 3 თვის განმავლობაში გადაეცემათ უფასოდ. დღეისათვის პროექტის ფარგლებში გასინჯულია 1000-ზე მეტი პაცენტი.
ცენტრის მუშაობას ხელმძღვანელობს თავის ტკივილის ევროპის ფედერაციის გენერალური მდივანი, გერმანიის ქალაქ ესსენის უნივერსიტეტის პროფესორი ზაზა ქაცარავა და ლონდონის იმპერიალ კოლეჯის პროფესორი ტიმოთი შტეინერი. ცენტრის მუშაობას აფინანსებს ფარმაკოლოგიური ფირმები "ავერსი ფარმა", "აქტავისი" და "ბაიერი".
