საპარლამენტო უმრავლესობაში ადასტურებენ, რომ მთავარი პროკურორის ყოფილი პირველი მოადგილე დავით საყვარელიძე პოლიტიკაში მიდის.
როგორც იურიდიულ საკითხთა საპარლამენტო კომიტეტის თავმჯდომარე პავლე კუბლაშვილმა ჟურნალისტებთან განაცხადა, დავით საყვარელიძის უნარ-ჩვევები საკანონმდებლო ორგანოს წაადგება.
მისი შეფასებით, საყვარელიძე კვალიფიციური იურისტია და მას აღმასრულებელ ხელისუფლებაში საქმიანობის კარგი გამოცდილება აქვს. თუმცა ამ ეტაპზე კუბლაშვილი არ აკონკრეტებს, რომელ რაიონში წარადგენს საყვარელიძეს ,,ნაციონალური მოძრაობა,, მაჟორიტარობის კანდიდატად.
შეგახსენებთ, რომ მთავარი პროკურორის პირველმა მოადგილემ დავით საყვარელიძემ თანამდებობა დატოვა. გავრცელებული ინფორმაციით. მას მმართველი გუნდი. კრწანისის მაჟორიტარობის კანდიდატად მოიაზრებს.
