ბიძინა ივანიშვილის განცხადებით, ქართველებს რუსული ბაზარი მხოლოდ სააკაშვილმა დაუკეტა და ამის სანაცვლოდ ქართველ გლეხს არაფერი მიუღიათ.
,,ომამდე გაცილებით ადრე სააკაშვილმა მოახერხა რომ ქართველებს რუსული ბაზარი დაუკეტა. ეს მხოლოდ სააკაშვილის გაუაზრებელი ქმედების შედეგი იყო არა დიპლომატიური ურთიერთობის. ამის საფასურად საქართველოს არავითარი დამატებითი შეღავათები არ მიუღია. შეიძლება ხომ რაღაც ურთიერთობა გააფუჭო რაღაცის ხარჯზე. ბაზარი, დაიკეტა მაგრამ აი ნახეთ რა მივიღეთ?_ ვერაფერიც ვერ მივიღეთ", _ განაცხადა ,,ქართული ოცნების" ლიდერმა ბიძინა ივანიშვილმა ჟურნალისტ გიორგი უძილაურისთვის მიცემულ ინტერვიუში
მისივე თქმით, რუსული ბაზრის დაკეტვას ქართველი გლეხი აბსოლუტურად მოუმზადებელი შეხვდა.
,,დახურა ეს ბაზარი და გახსნა მეზობელი თურქეთის ბაზარი და ყოველგვარი საბაჟოს ანარიცხებისა და ყოველგვარი დამატებითი დაცვის გარეშე დატოვა ქართველი გლეხი. კიდევ ვიმეორებ, არაფერი საწინააღმდეგო თურქეთის არ მაქვს ბევრი უნდა ვისწავლოთ მათგანაც, მაგრამ ქართველი გლეხი ამას აბსოლუტურად მოუმზადებელი შეხვდა. უფრო მაღალი ტექნოლოგირბი, უფრო იაფი წარმოება, რომელიც თურქეთმა მოახერხა და ჩვენზე რამდენიმე წლით ადრე დანერგა მოაწვა ქართულ ბაზარს და ქართველ გლეხს საერთოდ გაუფუჭდა ხასიათი, რომ წარმოება გაეგრძელებინა", _ განაცხადა ბიძინა ივანიშვილმა.
