დღეს, 1 ივნისს 18:00 საათზე, ბავშვთა დაცვის საერთაშორისო დღესთან დაკავშირებით, კომპანია „თეგეტა მოტორსი" აწყობს გრანდიოზულ ღონისძიებას ბავშვებისთვის.
ღონისძიება მოეწყობა კომპანიის სათაო ოფისის „შოუ რუმში", სადაც პატარების განწყობაზე იზრუნებენ „დისნეის სამყაროს" ზღაპრის გმირები და ანიმატორები... განსაკუთრებული მოწვევით, ღონისძიებას დაესწრებიან მზრუნველობამოკლებული ბავშვები ბავშვთა სახლიდან „მომავლის გზა". „თეგეტა მოტორსის" თანამშრომლების შვილები მზრუნველობამოკლებულ პატარებს საჩუქრებს გადასცემენ.
ღონისძიების ფარგლებში მოეწყობა ფოტოგამოფენა თემაზე: „პატარა ბავშვის თვალით დანახული ავტომობილები". პატარებს გაუმასპინძლდება კომპანია „მაკდონალდსი", ხოლო ღონისძიების დასასრულს საზეიმო ვითარებაში გაიჭრება ავტომობილის ფორმის ტორტი.
ღონისძიების მიზანია, ყველამ ერთად გავულამაზოთ პატარებს პირველი ივნისი და ხელი შევუწყოთ მზრუნველობამოკლებული ბავშვების ინტეგრაციას საზოგადოებაში.
