დავით გარეჯის სამონასტრო კომპლექსის სადავო ტერიტორიაზე სტატუს ქვოს აღდგენა ქართული საზოგადოების აქტიურობის და მგრძნობიარე დამოკიდებულების შედეგია , - ამის შესახე "ქრისტიან-დემოკრატიული მოძრაობის" ლიდერმა გიორგი თარგამაძემ განაცხადა.
"დღეს უკვე მოგვარებულია ის პრობლემა, რამაც ქართული საზოგადოება ბოლო კვირის განმავლობაში შეაშფოთა. აღდგა ის სტატუს ქვო, რომელიც 6 მაისამდე, წლების განმავლობაში იყო. მომლოცველებს ჩიჩხიტურის ტაძრის მონახულების და მოლოცვის, კელიების დათვალიერების პრობლემა აღარ ექმნებათ. ეს შედეგი საზოგადოების აქტიურობასთან პირდაპირ კავშირშია. სწორედ ქართველი ხალხის ასეთი მგძნობიარე დამოკიდებულება გახდა წინაპირობა იმისა, რომ საკითხი უმაღლეს დონეზე - ორი ქვეყნის პირველ პირებს შორის იყო განხილული", - განაცხადა გიორგი თარგამაძემ.
მისი აზრით, სტატუს ქვოს აღდგენა პრობლემის საბოლოოდ გადაჭრას არ ნიშნავს, რის გამოც ქართული მხარე "ყურადღებით უნდა იყოს".
"მივესალმებით იმ შეთანხმებას რომელიც მიღწეულია,მაგრამ საიმისოდ რომ მომავალში მსგავსი ტიპის დაძაბულობა და გაუგებრობები აღარ მოხდეს აუცილებელია რომ სახელმწიფოთაშორისო კომისიებმა დროულად დაასრულონ სამუშაოები რომელიც ფაქტობრივად უკვე 20 წელია რაც მიმდინარეობს, რაც შედის როგორც საქართველოს ასევე აზერბაიჯანის სახელმწიფოს ინტერესებში კარგია, რომ სტატუს ქვო აღდგა, მაგრამ ყოველთვის უნდა ვიყოთ ყურადღებით და მივადევნოთ თვალი იმას, რომ აზერბაიჯანთან მოლაპარაკებები დამთავრდეს ლოგიკურად. საზღვარი ისე დადგინდეს, რომ მსგავსი პრობელმა არასდროს გვქონდეს", - აღნიშნა თარგამაძემ.
ამასთან, ქდმ-ის ლიდერის თქმით, საპარლამენტო ფრაქცია "ქრისტიან-დემოკრატები" დავით გარეჯის სამონასტრო კომპლექსთან დაკავშირებით მიმდინარე მოლაპარაკებების შესახებ ინფორმაციას საქართველოს საგარეო საქმეთა სამინისტროსგან ყოველთვიურად გამოითხოვს
