"10 წლის წინათაც კი საქართველო იყო ერთ-ერთი ყველაზე კორუმპირებული ადგილი აღმოსავლეთ ევროპასა და პოსტსაბჭოთა სივრცეში. რეგიონში ხალხი აღგვიქვამდა ერთ-ერთ ყველაზე კრიმინალურ, ცინიკურ და უიმედო ადგილად. ჩვენ სიძულვილით ვიყავით მოცული. არქაული ნაგებობების წყალობით, ყველას ჩვენი განუვითარებლობის ვერდიქტი გამოჰქონდა. ჩვენს უიმედო და უფერულ ქვეყანაში მენტალიტეტიც მოძველებული იყო", - განაცხადა მიხეილ სააკაშვილმა ჩიკაგოში Young Atlanticist Summit-ზე სიტყვით გამოსვლისას.
მისი თქმით, ვარდების რევოლუციის შემდე ხელისუფლებაში ახალი თაობა მოვიდა, მაგრამ ნამდვილი რევოლუცია მაშინ დაიწყო, როდესაც ქუჩაში გამოსული ადამიანები სახლში დაბრუნდნენ.
"ყველას საერთო მიზანი გვქონდა: დაგვებრუნებინა ჩვენი ქვეყანა დასავლეთის თავისუფალი ქვეყნების ოჯახში, რაც ჩრდილო-ატლანტიკურ ალიანსში გაწევრიანებას ნიშნავს. ეს არის ყველაზე ძლიერი სიმბოლო და ამაზე მეტად ტრანსფორმაციული მიზანი არც არსებობს", - განაცხადა მიხეილ სააკაშვილმა.
