იტალიის ჩრდილოეთით, რამდენიმე ათასმა ადამიანმა, რომელთა საცხოვრებელი სახლები მიწისძვრისგან დაზიანდა, გასული ღამე ღია ცის ქვეშ - კარვებში, ავტომანქანებში და სხვა დროებით სადგომებში გაატარა.
მოსახლეობა შიშობს, რომ შესაძლოა მიწისძვრა განმეორდეს.
ბოლო მონაცემებით, მიწისძვრის შედეგად დაღუპულია 6 ადამიანი. სხვადასხვა სახის დაზიანება მიიღო 50-ზე მეტმა.
განსაკუთრებული ზიანი მიადგა პროვინცია ფერარას ისტორიულ და არქიტექტურულ მემკვიდრეობას.
შეგახსნებთ, რომ გუშინ იტალიაში 6,0 მაგნიტუდის მიწისძვრა მოხდა.
