საქართველოს ხელისუფლების ამოცანა არის, რომ ამ მნიშვნელოვან მოკავეთზე საკითხი საბოლოოდ ჩამოყალიბდეს, დალაგდეს და სრული დელიმიტაცია მოხდეს ისე, რომ ჩვენი კულტურული მემკვიდრეობის ეს უმნიშვნელოვანესი ძეგლი მთიანად იყის საქართველოს სუვერენულ ტერიტორიაზე, - ამის შესახებ განაცხადა საქართველოს უშიშროების საბჭოს მდივანმა გიგა ბოკერიამ "საზოგადოებრივი მაუწყებლის" ეთერში ჟურნალისტ ეკა კვესიტაძის საავტორო გადაცემაში "აქცენტები".
მისი თქმით, ამ მონაკვეთების გარდა არის სხვა მონაკვეთებიც, სადაც არის სამუშაო ჩასატარებელი და "კომპლექსურად გვსურს ამ საკითხის გადაწყვეტა".
უშიშროების საბჭოს მდივანმა უკანასკნელ დღეებში დავით გარეჯის საკითხის გამო გაკეთებულ განცხადებებთან დაკავშირებით კომენტარი გააკეთა და აღნიშნა, რომ ეს იყო სრული უპასუხიმგებლობისა და უმწიფრობის.
"შეიძლება რიგ შემთხვეში გულწრფელი, არაინფორმირებულობის. ზოგ შემთხვევაში კი პოლიტიკოსებზე, ინფორმირებულ ადამიანებსა და ცნობილ ადამიანებზე მაქვს საუბარი, ეს იყო მიზანმიმართული ზიანის მიყენების მცდელობა საქართველოს ეროვნული ინტერესებისთვის", - განაცხადა ბოკერიამ.
