თბილისის საკრებულოს "ქრისტიან-დემოკრატმა" დეპუტატმა ზაზა გაბუნიამ საკრებულოს დღეს ჩატარებულ რიგგარეშე სხდომაზე სტიქიის წინააღმდეგ საბრძოლველად გამოყოფილი სამი მილიონი ლარიდან დაზარალებული მოსახლეობისათვის ფულადი კომპენსაციის გამოყოფა მოითხოვა.
ზაზა გაბუნია: "გარდა ქირით გაყვანისა თუ საყოფაცხოვრებო ტექნიკით უზრუნველყოფისა, "ქრისტიან-დემოკრატები" საჭიროდ მივიჩნევთ დაზარალებულ მოქალაქეებს, ისე როგორც ეს ცივილიზირებულ ქვეყნებში ხდება, ფულადი კომპენსაციაც გადაეცეთ."
ზაზა გაბუნიამ ფრაქცია "ქრისტიან-დემოკრატების" სახელით დღევანდელ სხდომაზე პრევენციული ღონისძიებების გატარებაც მოითხოვა და უმრავლესობას მოუწოდა დაიწყოს იმ ავარიული შენობების გამაგრება-რეაბილიტაციის პროცესი, რომელიც დანგრევის საფრთხის ქვეშაა.
ზაზა გაბუნია: "საფრთხის ქვეშ მყოფი ავარიულის სახლების გამაგრებისთვის კი საჭიროა მერიამ შეთავაზებული თანადაფინანსების ნაცვლად, რომლის თანახმად მერია საჭირო თანხის 60%-ს აფინანსებს, ხოლო მოსახლეობას 40%-ის დაფინანსებას სთხოვს, ასივე პროცენტით უზრუნველყოს საცხოვრებელი სახლების გამაგრების სამუშაოები."
საკრებულოს დღევანდელ რიგგარეშე სხდომაზე ბიუჯეტში ცვლილებები შეიტანეს, რომლის თანახმად 3. 000 000 ლარი სტიქიით გამოწვეული პრობლემების მოსაგავარებლად გამოიყო.
