"ქრისტიან-დემოკრატიული მოძრაობის" ლიდერები წალენჯიხის რაიონ, სოფელ საჩინოში მოსახლეობას შეხვდნენ. შეხვედრაზე ადგილობრივებმა იმ პრობლემებზე გაამახვილეს ყურადღება, რომელიც სოფელში მწვავედ დგას. მთავარ პრობლემად სოფელში გაუმართავი გზები გამოიკვეთა. გზების გაუმართაობის გამო მოსახლეობას არ აქვს წვდომა ცენტრალურ მაგისტრალთან.
გიორგი თარგამაძემ, ინგა გრიგოლიამ, გიორგი ახვლედიანმა და ჯაბა სამუშიამ სოფელ საჩინოს მოსახლეობას სოფლის მეურნეობის განვითარებასთან დაკავშირებული ინიციატივა გააცნეს. კანონპროექტი, რომელსაც "ქრისტიან-დემოკრატები" ამზადებენ დაკავშირებულია სახელმწიფოს როლის გაზრდასთან სუბსიდირების მხრივ. გიორგი ახვლედიანის თქმით, სახელმწიფომ გლეხებს სასოფლო-სამეურნეო საქმიანობის გასაწევად ქმედითი დახმარება უნდა გაუწიოს.
"სოფელ საჩინოს საგზაო ინფრატრუქტურა იმდენად გაუმართავია, რომ მოსახლეობას უკვე უჭირს ცენტრათან კომუნიკაცია, რაც კიდევ უფრო ართულებს მათ ეკონომიკურ მდგომარეობას. ჩვენთვის ცნობილის, რომ ბიუჯეტიდან თანხები უკვე გამოყოფილია, იმედი გვაქვს, რომ ხელისუფლება დროულად მოახდენს რეაგირებას აღნიშნულ პრობლემასთან დაკავშირებით" - განაცხადა გიორგი თარგამაძემ.
"ქრისტიან-დემოკრატებმა" ასევე მოინახულეს სოფელი საჩინოს უხუცესი ქალბატონი ანტისა ხვიჩია, რომელიც 132 წლის არის.
