სინოპტიკოსები მთელი საქართველოს მასშტაბით უხვ ნალექს ელიან. წვიმაა მოსალოდნელი დედაქალაქშიც. არამდგრადი ამინდი საქართველოში მთელი კვირის განმავლობაში შენარჩუნდება.
"წვიმას ისევ ველოდებით. დღესაც მოსალოდნელია წვიმა და ამ დღეებშიც რჩება ძლიერი წვიმის საშიშროება ლოკალურ ადგილებში", _ განაცხადა ,,ჯი-ეიჩ-ენთან" ჰიდრომეტეოროლოგიური პროგნოზირების სამმართველოს უფროსმა სვეტა ნიორაძემ და აღნიშნა, რომ ნალექი ნგრევას აღარ გამოიწვევს.
16 მაისიდან მთელი საქართველოს მასშტაბით გამოიდარებს, თუმცა წვიმიანი ამინდები ისევ გაგრძელდება.
"აღმოსავლეთ საქართველოში ცალკეულ რაიონებში შესაძლებელია, რომ იყოს ძლიერი წვიმა და დასავლეთ საქართველოშიც მოსალოდნელია წვიმა. უკვე 16 მაისიდან გამოიდარებს დასავლეთში უნალექოდ, აღმოსავლეთში მოსალოდნელია ხანმოკლე წვიმა", _ განაცხადა ,,ჯი-ეიჩ-ენთან" საუბარში სვეტა ნიორაძემ.
