პარლამენტის თავმჯდომარე დავით ბაქრაძემ დღეს ონში ახალი სასტუმრო გახსნა და საკურორტო სეზონი გახსნილად გამოაცხადა.
ბაქრაძე ონის რაიონის სოფელ სორში მოსახლეობას შეხვდა და მათი პრობლემები მოისმინა. ადგილობრივმა მოსახლეობამ საკანონმდებლო ორგანოს სპიკერს სასმელი წყლის, გარე განათების, გაზიფიცირების პრობლემის მოგვარება და სტადიონის კეთილმოწყობა სთხოვა.
პარლამენტის პრესსამსახურის ინფორმაციით, ბაქრაძე მოსახლეობას დაჰპირდა, რომ ონის რაიონში გაზიფიცირების სამუშაო უახლოეს პეროდში დასრულდება.
მოსახლეობა ასევე დაინტერესდა ეკოლოგიურად რამდენად უსაფრთხოა "რიცეულჰესის" და "ლუხუნჰესის" მშენებლობა. სპიკერმა მოსახლეობას განუმარტა, რომ აღნიშნული საკითხი დეტალურად არის შესწავლილი და ეკოლოგიურად არანაირი საფრთე არ არსებობს.