ხელისუფლებამ ხელფასის ნაღდი ფულით გაცემის აკრძალვა გადაიფიქრა. პარლამენტში ინიცირებულ "საგადასახადო კოდექსში" ცვლილებების პროექტის თავდაპირველი ვარიანტით, ხელფასის ნაღდი ფულით გაცემა, გარკვეული შემთხვევების გარდა, ხარჯში აღარ უნდა ჩათვლილიყო.
კერძოდ, ერთობლივი შემოსავლიდან არ უნდა გამოქვითულიყო ნაღდი ფულადი ფორმით გაცემული ხელფასის სახით გაწეული ხარჯი, გარდა ფინანსთა მინისტრის მიერ დადგენილი შემთხვევებისა.
კანონპროექტის მეორე მოსმენით განხილვისთვის კი, პროექტიდან აღნიშნული მუხლი ამოღებულია.
"საგადასახადო კოდექსში" ცვლილებების პროექტი მეორე მოსმენით უახლოეს სესიაზე იქნება განხილული.
