ვისოლ ჯგუფის შვილობილმა კომპანიამ "ვისოლ ავტო ექსპრესმა" ფოთსა და ბათუმში შემომავალი ტრანზიტული გემებისათვის ფრანგული „ტოტალის" ზეთების მიწოდება დაიწყო.
„ვისოლ ბუნკირება უკვე რამოდენიმე წელია საქართველოს პორტებში შემომავალ გემებს უმაღლესი ხარისხის საწვავით უზრუნველყოფს. ბოლო პერიოდში ფოთში და ბათუმში შემომავალი საერთაშორისო გემების მფლობელების მოთხოვნა მაღალი ხარისხის გემის ზეთებზეც გაჩნდა. შესაბამისად, "ვისოლ ავტო ექსპრესმა", რომელიც „ტოტალის" ექსკლუზიური პარტნიორია საქართველოში, გადაწყვიტა გემთმფლობელებისათვის სრული კომფორტის შესაქმნელად, „ტოტალის" გემის ზეთების იმპორტიც განახორციელოს და საქართველოს პორტები მათთვის უფრო მიმზიდველი გახადოს",-აცხადებს ვისოლის ავტო ექსპრესის დირექტორი გურამ დაფქვიაშვილი.
ვისოლ ავტო ექსპრესი საქართველოს ბაზარზე 2011 წელს გამოჩნდა და დღეს მას ავტო მომსახურების ცენტრების ყველაზე ფართო ქსელი აქვს საქართველოში. კომპანიის ავტომომსახურების ცენტრები უმაღლესი ხარისხის „ტოტალისა" და „ფინას" ფრანგული საავტომობილო ზეთების და სხვა საპოხი მასალების გარდა მომხმარებელს, „ფრამის" საავტომობილო ფილტრებს, საბურავებს და ვულკანიზაციისა და ბალანსირების სრულ მომსახურებისაც სთავაზობს.