დღეს, 30 აპრილს, თბილისში საქართველო-აზერბაიჯანის ბიზნეს-ფორუმი გაიმართება, რომლის ორგანიზებასაც ჟურნალი "Business Time Georgia" განახორციელებს.
"Business Time Georgia"-ს მთავარი რედაქტორის ლევან ჭითანავას განცხადებით, ბიზნეს-ფორუმში მონაწილეობის მისაღებად აზერბაიჯანიდან თბილისში სამშენებლო და დეველოპერული კომპანიების და ასევე ბიზნესის სხვა სექტორის 100-მდე წარმომადგენელი ჩამოვა.
"2011 წელს "Business Time Georgia"-სა და აზერბაიჯანულ ჟურნალ ""Business Time"-ს შორის ურთიერთთანამშრომლობის მემორანდუმი გაფორმდა, რომლის საფუძველზეც 30 აპრილს სასტუმრო "რედისონ ბლუ ივერიაში" ქართულ-აზერბაიჯანული ბიზნეს-ფორუმი გაიმართება. აღსანიშნავია, რომ ძირითადად, სამშენებლო სექტორის წარმომადგენლები ჩამოვლნენ, რადგან ვფიქრობთ, ამ სეგმენტში მსოფლიო ეკონომიკური კრიზისიდან გამოყოლილი სტაგნაციის გარკვეული ელემენტები ჯერ ისევ შეიმჩნევა და დამატებით ინვესტიციას საჭიროებს", - განაცხადა ჭითანავამ.
