4-6 მაისს ბათუმი მეხუთე საერთსაშორისო ტურისტული გამოფენა "EXPO BATUMI 2012"-ს უმასპინძლებს. აჭარის ტურიზმის დეპარტამენტის ინფორმაციით, გამოფენაში მონაწილეობას მიიღებენ როგორც ადგილობრივი, ისე უცხოური კომპანიები, სასტუმრო ქსელების, სასტუმრო აღჭურვილობის, დეკორაციების, რესტორნების და ტურიზმის სფეროში დასაქმებული სხვადასხვა კომპანიის წარმომადგენლები.
გამოფენის მიმდინარეობისას იგეგმება სარეკლამო-საინფორმაციო ტურები, შეხვედრები მასმედიის წარმომადგენლებთან და ასევე პრეზენტაციები მონაწილეთათვის.
როგორც აჭარის ტურიზმის დეპარტამენტში განმარტავენ, წელს გამოფენა იქნება კიდევ უფრო მასშტაბური, ვიდრე გასული წლებში.
.