რუსეთის ოპოზიცია საყოველთაო ლოცვას ამზადებს ღვთისმშობლისადმი - "ღვთისმშობელო, განდევნე პუტინი!". ინფორმაციას ამის შესახებ რუსული მედია ავრცელებს. საყოველთაო ლოცვა 22 აპრილს, კვირას მაცხოვრის სახელობის ტაძარში გაიმართება.
ახალგაზრდიული მოძრაობა "მი"-ს ლიდერი, "სოლიდარობის" პოლიტსაბჭოს წევრი რომან დობროტოხოვი აცხადებს, რომ რუსეთის გადარჩენის ყველაზე მოკლე გზა პუტინის წასვლაა. "სწორედ ამაზე ვაპირებთ ლოცვას", _ აცხადებს დობროტოხოვი.
მისივე თქმით, საყოველთაო ლოცვაში მონაწილეობის სურვილი უკვე 100 ზე მეტმა ადამიანმა გამოთქვა. "იმედი მაქვს, რომ შაბათისათვის ჩვენი მომხრეების რაოდენობა მეტი იქნება და რამდენიმე ასეულს მიაღწევს", _ აცხადებს ოპოზიციონერი.
რუსული მედიის ინფორმაციით, რუსეთის მართლმადიდებლურ ეკლესიას ამ ინიციატივაზე ჯერ ჯერობით არავითარი კომენტარი არ გაუკეთებია.