"წელიწად-ნახევრის წინ შევწყვიტეთ შეხვედრა, როდესაც პრესაში გაჩნდა ინფორმაცია ჩვენი ქორწინების შესახებ. ამჟამად პერიოდულად ვურთიერთობთ", - განუცხადა "სასიძომ" TV Chosun-ს. ეს არ არის პირველი განცხადება, რომელიც მისი და პუტინის ქალიშვილის ურთიერთობის შეწყვეტას ეხება, თუმცა ყოველი ასეთი განცხადების შემდეგ ირკვეევა, რომ წყვილი ურთიერთობას აგრძელებს.

ამავდროულად, მედიაში ქვეყნდება ინფორმაცია,რომ ეკატირინა პუტინა გასულ კვირას იმყოფებოდა სამხრეთ კორეაში. CBS-მ გამოაქვეყნა ინფორმაცია, რომ ქორწილი უახლოეს დღეებში უნდა გაიმართოს. ამერიკული მედია კი "სასიძოს" მოსკოვში ვიზიტის შესახებ წერს და დასძენს, რომ მას რუსი პირადი მცველი ახლდა. წყვილის შესაძლო დაქორწინების შესახებ სამხრეთკორეულმა მედიამ პირველად 2010 წელს დაწერა. მაშინ რუსეთის პრემიერის პრესმდივანმა დიმიტრი პესკოვმა აღნიშნული ინფორმაცია კატეგორიულად უარყო.

რამდენიმე ხნის შემდეგ იუნ იონგ გუმაც უარყო ინფორმაცია შესაძლო ქორწინების შესახებ. ახალგაზრდა, რომელიც იმ დროს მოსკოვში ერთ-ერთ სამხრეთკორეულ კორპორაციაში მუშაობდა, ეკატირინა პუტინასთან მისი ნაცნობობის შესახებ მოჰყვა.

გავრცელებუილი ინფორმაციის მიხედვით, ამის შემდეგ ვლადიმერი პუტინი თავად შეხვდა ახალგაზრდა ყმაწვილს და სთხოვა, პირადი ურთიერთობების შესახებ მედიასთან არ ესაუბრა. იუნ იონგ გუმ ეს ინფორმაციაც უარყო და მედიას მოუყვა, თუ როგორ გაიცნო საერთაშორისო სკოლაში, დისკოთეკაზე, პუტინის ქალიშვილი.

"ეს იყო უბრალო დამთხვეევა. მე იქ მივედი ძმასთან ერთად, გასართობად. კატია და მისი დაც იქ იყვნენ და პირველები გამოგველაპარაკენენ. თავიდან მე არც კი ვიცოდი, რომ ის პუტინის ქალიშვილი იყო", - აცხადებდა იუნ იონგ გუ.

შემდგომ ცნობილი გახდა, რომ იგი პიტინთან ერთად შაბათ-კვირას მის აგარაკზედაც კი ისვენებდა, წერდა The Chosun Ilbo. იუნის ახლობლების მტკიცებით, მისი დამოკიდებულება ეკატირინა პუტინასთან მეგობრობის ფარგლებს სცილდება.

მოგვიანებით იუნ იონგ გუ სასწავლებლად აშშ-ში გაემგზავრა, მაგრამ მათი ურთიერთობა არ შეწყვეტილა.