დღეს, 12 აპრილს, 09: 30 საათზე, სოფლის მეურნეობის მინისტრი ზაზა გოროზია წეროვანის თანამედროვე ტიპის ახალ სათბურში მასმედიის წარმომადგენლებთან ერთად ბოსტნეულის პირველ მოსავლს აიღებს. პომიდვრის კრეფის პროცესში მინისტრი პირადად მიიღებს მონაწილეობას და აღებულ მოსავალს ჟურნალისტებთან ერთად სარეალიზაციოდ გლდანის აგრარულ ბაზარში ჩააბარებს.
მას შემდეგ, რაც საქართველოს პარლამენტმა მიიღო კანონი სოფლის მეურნეობის ადგილობრივი პროდუქციის დღგ-ისგან გათავისუფლების შესახებ, იგი ბევრად კონკურენტული გახდა და ქართულ ბაზარზე პრიორიტეტი სწორედ ადგილობრივ ხილ-ბოსტნეულს ენიჭება.
ერთ ჰექტარზე გაშენებულ და ულტრათნამედროვე აპარატურით აღჭურვილ სათბურში პომიდვრის ჩითილები თანამედროვე ტექნოლოგიით გამოიყვანეს და წლის განმავლობაში 300 ტონა მოსავალს აიღებენ.
ახალი სათბური სახელმწიფოს დაფინანსებით აშენდა, რომლის მშენებლობაზე 100-მდე ადამიანი იყო დასაქმებული. მისი ამოქმედების შემდეგ მუდმივი სამუშო ადგილი 30-მდე ადგილობრივმა მიიღო. მსგავსი ტიპის სათბურების აშენება საქართველოს სხვა რეგიონებშიც იგეგმება.
