თბილისში, რუსთაველის გამზირზე, გაჩენილი ხანძრის შედეგად დაზარალებულ მოსახლეობას ძველი-თბილისის გამგეობა დაეხმარება.
,,ჯერჯერობით ხანძრის გამომწვევი მიზეზები დადგენილი არ არის. ადგილზე მუშაობენ კრიმინალისტები. ჩვენ ვთავაზობთ საკომპენსაციო თანხას ბინის დასაქირავებლად და შემდეგ დადგინდება მთლიანად თუ რა ზარალი მიადგა მოსახლეობას. არის შესაძლებელი, რომ შენობა აღდგეს", _ განაცხადა ძველი თბილისის გამგებელმა დავით ავალიანმა.
შეგახსენებთ, რუსთაველის #23-ში გაჩენილი ხანძრის შედეგად 25 ოჯახი დაზარალდა და ორი ადამიანი დაიღუპა.
