აჭარაში, ქედის რაიონში, სოფელ ოქტომბერში ჩამოწოლილმა მიწის მასამ შიდა სასოფლო ხიდები დააზიანა. მეწყერმა შერვაშიძეების საცხოვრებელი სახლი მთლიანად გაანადგურა.
ამ დროისათვის, სოფელი ოქტომბერი უკვე დაატოვებინეს თხუთმეტ ოჯახს. ევაკუაცია წუხელ დაიწყო, შერვაშიძეების ოჯახი დაბაქედაშია გადაყვანილი.
მიწის გაწმენდითი სამუშაოები და ხიდების აღდგენაზე მუშაობა დღეს დილიდან მიმდინარეობს.
საბედნიეროდ სტიქიას მსხვერპლი არ მოყოლია.
"მინდა გითხრათ, რომ ამ დროისთვის მეწყერი კიდევ გრძელდება საკმაოდ აქტიურად ჩვენ ჩავაყენეთ ყველა შესაბამისი სამსახური საქმის კურსში. ხვალიდან უკვე დავიწყებთ დეტალურ შესწავლას და ის ოჯახი რომელიც დაზარალდა ჩვენ აღმოუჩენთ ყველანაირ დახმარებას", _ განაცხადა ქედის რაიონის მუნიციპალიტეტის გამგებელმა ირაკლი ბარამიძემ
